مساء الخير
هانتكلم النهاردة عن تاني وتالت طريقة من طرق افتتاحيات الافلام او الهوك .. لو انت ما قريتش الجزء الاول هاتلاقيه موجود عالموقع خش برجلك اليمين
الفكرة ورا الخطاف بطريقة التهديد هي انك بتبدا الفيلم بخطر بيهدد الشخصية او عالمها ... المبدأ ده بيمشي ازاي .. المتفرج بيحس اذا كنا احنا لسة في البداية والخطر ده هدد الشخصية ياتري ايه الاخطار والاهوال اللي هاتقابل البطل في بقية احداث الفيلم ... اكيد هاتبقي اخطار اسوء ... بس احنا لسة مانعرفش الاخطار دي هاتبقي ايه ... وهانكتشف ده بس لما نتابع الفيلم ... فهانعمل ايه؟؟؟؟ الله ينور عليك هانتابع الفيلم علشان نعرف البطل هايتعرض ليه تاني ...
هانتكلم النهاردة عن تاني وتالت طريقة من طرق افتتاحيات الافلام او الهوك .. لو انت ما قريتش الجزء الاول هاتلاقيه موجود عالموقع خش برجلك اليمين
2- افتتاحية التهديد
الفكرة ورا الخطاف بطريقة التهديد هي انك بتبدا الفيلم بخطر بيهدد الشخصية او عالمها ... المبدأ ده بيمشي ازاي .. المتفرج بيحس اذا كنا احنا لسة في البداية والخطر ده هدد الشخصية ياتري ايه الاخطار والاهوال اللي هاتقابل البطل في بقية احداث الفيلم ... اكيد هاتبقي اخطار اسوء ... بس احنا لسة مانعرفش الاخطار دي هاتبقي ايه ... وهانكتشف ده بس لما نتابع الفيلم ... فهانعمل ايه؟؟؟؟ الله ينور عليك هانتابع الفيلم علشان نعرف البطل هايتعرض ليه تاني ...
هانلاقي مثلا في فيلم
Get out
بتبدا الاحداث بشارع ضلمة واندريه الشاب الاسمر تايه فيه وبنسمعه بيتكلم في التليفون مع حبيبته وبنفهم من المكالمة انه مش عارف يوصل لبيتها فهي بتقول له انها هاتيجي تاخده وبدل كده اللي بيحصل ان عربية مشبوهة بتفضل متتبعاه. بيحاول يهرب منها بس سواق العربية بيمسكه يخنقه ويرميه في العربية ويهرب ...
وعلي الرغم من ان الفيلم حديث شوية بس التكنيك نفسه قديم
هاتلاقيه في فيلم زي الفك المفترس لو انت تفتكر في اول مشهد لما القرش بيهاجم شابه وبيقتلها
في فيلم زي سبيد مثلا بيستخدم نفس التكنيك في الافتتاحية .. لما الفيلم بيبدا بأرهابي بيفخخ مصعد وبيفجره .. وده بيخلق توقع للأشياء الشريرة اللي هاتحصل لاحقا في الفيلم
افتتاح فيلم بطريقة التهديد مش بس بيخلي المشاهد متشوق انه يتابع فيلم ولكنه كمان بيخلق توتر في قصتك من البداية وده عدم وجوده هو احد اهم اسباب رفض السيناريوهات من شركات الإنتاج
3- الافتتاحية الباردة
تالت انواع افتتاحيات الافلام هي الافتتاحية الباردة واتسمت بالاسم ده لأنها مفيهاش مجهود ذهني علشان تؤلفها وفيها بنعمل فلاش فروارد (تقنية القفز للمستقبل) اللي هو عكس الفلاش باك .. لنقطة المأساة الكبري او ما يطلق عليه في السيناريو نقطة اللاعودة واللي عادة بتتواجد في الفصل التاني من الفيلم وبعد كده بنرجع لبداية الاحداث وبنعرف ايه اللي وصلنا للنقطة دي وبعد كده نعرف الازمة دي هاتتحل ازاي
فيلم هانج اوفر
The hangover
بيبدأ بنفس البداية تقريبا .. بعد بداية قصيرة بتوضح الاستعدادات للفرح بننتقل لواحد من الشباب واقف في طريق صحراوي منعزل بيعمل مكالمة وهو المفروض بيكلم العروسة وبيقولها مما معناه احنا اتشلوحنا احنا فقدنا دوج .. وبنفهم بعدها بشوية صغيرين ان دوج ده العريس
ونفس الموقف ده بنصادفة بعدين في القصة .. بعد ما اتعاملنا مع لمحة من التوتر اللي هانصادفه في الفيلم قدام بنرجع فلاش باك لبداية القصة الطبيعية اللي هي قبل اربعين ساعة
التكنيك ده غالبا ما كان بيتم استخدامه في الدراما التليفزيونية تحت مسمي
In media res
وترجمته الحرفية (في منتصف الاشياء) بس مش لاقي له مصطلح مماثل عربي وبعد كده تم التوسع في استخدامه في السينما .... وفيه بنبدأ الاحداث في منتصف ازمة ما ولأننا مش فاهمين اللي بيحصل ده بيحصل ليه بنفضل متشعلقين في الفيلم علي امل ان الفيلم يفهمنا الحدوتة في نقطة ما من الاحداث (وبطبيعة الحال الفيلم لازم يعمل كده)
دول تاني وتالت طريقة من طرق كتابة بدايات الافلام او كما يطلق عليها الخطاف وهانذكر الباقي تباعا وبعد كده هاننشر حلقة ملخصة للتسع طرق وبعد كده ننتقل لنقطة تانية
ماتنسوش بقي الشير علشان الناس تستفيد والكومنتات علشان نتناقش في المكتوب
#محمود_ابو_العلا
#الهوك
#the_hook
#موفينيل
#movinel
تعليقات
إرسال تعليق