مساء الخير
بعد ما خلصنا من الخطاف او الهوك اللي بيجي في اول دقيقتين من الفيلم او اول صفحتين من السيناريو بندخل مباشرة في حاجة مهمة جدا في القصة الا وهو التساؤل الدرامي المركزي .. او ما يطلق عليه اختصارا
MDQ
هو محور القصة الدرامية والسبب اللي علشانة القصة بتتحكي ... وكما يقول (ربورت ميكي) تعطش الجمهور للأجابة علي هذا التساؤل الدرامي المركزي هو ما يجعل العمل قادر علي اثارة انتباه واهتمام الجمهور بالقصة المحكية حتي الذروة والنهاية في اخر الفصل الثالث منها
في قلب كل قصة جيدة بنجد عامل دفع اساسي ومركزي وحواليه بتتجمع كل العوامل التانية ... العامل ده هو التساؤل الدرامي المركزي وده بيمثل للقصة ما يمثله المحرك للسيارة البورش او التركيز بالنسبة للنمر .. مش تسلسل عدد من المشاهد الاكشن في الفيلم ولا اكتر جمل الحوار ادرارا للدموع او تعلقا في ذهن المشاهد .. بل انه بيبقي بسيط لدرجة ممكن تخدعك وتخليك ماتحسش اصلا انه موجود
هو مجرد سؤال ... اكيد طبعا القصة الجيدة بتثير عدد كبير من الاسئلة في ذهن المتلقي ولازم طبعا القصة تجاوب عليهم كلهم ولكن بيبقي في سؤال ما معين في منتصف جبهة الفيلم هو ده التساؤل الدرامي المركزي .... كل قصة جيدة بيبقي لها التساؤل المميز بتاعها فكر فيه علي انه هو نواة القصة ... هو القوة الطاردة المركزية اللي بتدفع احداثها علي طول باث اوف اكشن بتاعها وبيسرعها بثبات وبطريقة تخطف الانفاس ناحية نهاية ذات ذروة .. وبمجرد ان يجاب هذا التساؤل المركزي فأن القصة بالتبعية تنتهي
يقول دانيال نواه ان السؤال الدرامي المركزي هو الشيء الذي يبقينا نشاهد ونتسائل كيف ستصير الاشياء في نهاية القصة . وفي النهاية لابد وان يكون هناك اجابة لهذا السؤال والتي عادة لا تخرج عن نعم أو لا
وعلشان تعرف السؤال الدرامي المركزي بيبقي عن طريق بطلك اللي بيبقي عنده هدف ملموس وعوائق ببتمنعه من تحقيق الهدف ده
خلينا ناخد بعض الامثلة للسؤال الدرامي المركزي
(Gone with the wind)هل سكارلت هاتكسب اشلي؟ .... ذهب مع الريح
(Die Hard)هل ماكلين هايحرر الرهائن؟ .... داي هارد
(Romeo and Juliet)هل روميو وجولييت هايتجوزوا ويعيشوا مع بعض؟؟ ..... روميو وجوليت
(Finding Nemo)هل مارلين هايلاقي ابنه؟ ..... البحث عن نيمو
(Django Unchained)هل العبد اللي تم تحريره هايلاقي مراته؟؟ ... دانجو ان شيند
(E.T.)هل اي تي هايرجع كوكبه؟ اي تي
ومن الافلام المفضلة ليا روكي وهانلاحظ ان سؤاله الدرامي المركزي بنضرب بيه عصفورين بحجر واحد ... هل روكي هايقر يهزم ابوللو كريد وده فعل (فيزيائي وخارجي) او علي الاقل هايقدر يقاومه اطول فترة ممكنة ويثبت لنفسه انه مش متشرد تافه وده شيء (نفسي وداخلي) هنا هانلاحظ انه ربط التيمة والذروة جوا التساؤل الدرامي المركزي ولازم ناخد بالنا ان التساؤل الدرامي المركزي لازم يدفع احداث القصة للأمام ولابد ان يكون مقيدا بالهدف الرئيسي للبطل
التساؤل المركزي هو الخط العابر الذي يحمل المشاهد من الفصل الاول عبر احداث الفيلم وصلا لنقطة الذروة اللي الفيلم بيتبني اصلا علشان نوصل للنقطة دي
ملحوظة : احيانا بيكون في استثناءات في بعض افلام السير الذاتية ووافلام البطولة الجماعية بتكون الاكثر خداعا في التعامل مع نقطة التساؤل الدرامي المركزي علي سبيل المثال في فيلم ابولو 13 التساؤل المركزي مش بيبقي هل سينجو رواد الفضاء ولكن ازاي رواد الفضاء دول هاينجو .... وفي فيلم قايمة شندلير ... مش هل شندلير هاينقذ ارواح اليهود في معسكر التعذيب النازي ولكن ازاي هايقدر يحقق ده
وحتي في الحالات اللي بيبقي فيها التساؤل المركزي مش واضح مية في المية فا انت بتحتاج من الجمهور بتاعك يسأل نفسه سؤالين ايه اللي هايحصل بعد كده والحوار ده هايخلص علي ايه؟؟
بلاك سنايدر في كتاب حافظ عالقطة
Save the Cat
في الفصل الرابع بيقول
انه في مكان ما في اول خمس صفحات (متوسط الصفحة التالتة مثلا ) من السيناريو المكتوب كويس .. شخص ما عادة مش هايكون البطل بيسأل سؤال او بيقول تصريح عادة بيوجهه للبطل بيكون فيه تيمة الفيلم وبيحمل جوهر التساؤل المركزي حاجة من نوعية
احذر مما تتمناه ... مثلا او الغرور هو سبب السقوط او مثلا ... العائلة اهم من النقود .... طبعا مش هاتبقي بالوضوح ده لازم هاتتقال بشكل متداري عن طريق ملاحظة غير مباشرة مش بيفهمها البطل في وقتها بس هايفهم المقصود منها ومعناها لاحقا
لو انت مش هاتقدر تجاوب علي سؤال الفيلم ده عن ايه؟؟ او المسلسل ده بيحكي عن ايه ؟؟ حتي لو بشكل مقتضب ومختصر يبقي انت اكيد واقع في مشكلة .. التساؤل الدرامي المركزي هو اللي بيوضح السؤال ده وبقية احداث الفيلم ده بتبقي محاولة للأجابة علي هذا التساؤل وزي ما قلنا هو بيبقي موجود في اول خمس دقايق ونسبة وتناسب هانلاقي ان السؤال ده بيثار في الحلقة البايلوت او الحلقة الاولي من المسلسل وبرضه بقية حلقات المسلسل هاتبقي محاولة للاجابة علي السؤال ده
يعني مثلا في مسلسل شرلوك علشان لسة مخلصه قريب التساؤل الدرامي المركزي بيبقي ... امتي شرلوك هايطل يبقي بني ادم بغيض وده يخليه يقابل الحب ويبقي له حياة برة حل الجرائم؟
الاجابة تحديدا احنا مانعرفش وممكن ده ما يحصلش ابدا بس احنا بنلاحظ انه واحدة واحدة بياخد باله وبيدرك قد ايه هو مهين وجارح وبنلاحظ انه واحدة واحدة بيتغير وبيقلل من حدة تصرفاته وتعليقاته
اخيرا لازم نعرف ان التساؤل الدرامي المركزي احيانا كتير بيبقي كاشف للتيمة بتاعة الفيلم او المسلسل ... والامرهنا اشبه بالجمل اللي كانت بتبقي مكتوبة قبل بدايات بعض الافلام وحاليا بتبقي مستخدمة في الروايات المطبوعة اكتر يعني مثلا في مسلسل ريفينج (انتقام) بتبدأ الاحداث بشاشة سودة مكتوب عليها
قبل ان تشرع في رحلة انتقام ... ابدا بحفر قبرين ..... كونفوشيوس 504 قبل الميلاد
الجملة دي وضحت التيمة بتاعت المسلسل واللي هي طبعا زي ماهو واضح من اسم المسلسل تيمة الانتقام وبيبقي التساؤل الدرامي المركزي بطبيعة الحال هل هايقدر البطل يحقق انتقامه وهل لما ينتقم هايرتاح نفسيا ولا هايدمر نفسه في سبيل انتقامه؟؟
وبناء علي ما سبق فكر كويس وخلي عندك اجابة كويسة لما حد يسألك هو فيلمك ده بيحكي عن ايه؟؟؟
وبكده ينتهي كلامنا عن تالت عنصر من حيث الترتيب بيجي في سيناريو الفيلم الطويل الا وهو السؤال الدرامي المركزي ... ياريت لو في حاجة مش واضحة عرفوني
وماتنسوش بقي الشير علشان الناس تستفيد والكومنتات علشان نتناقش في المكتوب
#محمود_ابو_العلا
#الهوك
#the_hook
#موفينيل
#movinel
بعد ما خلصنا من الخطاف او الهوك اللي بيجي في اول دقيقتين من الفيلم او اول صفحتين من السيناريو بندخل مباشرة في حاجة مهمة جدا في القصة الا وهو التساؤل الدرامي المركزي .. او ما يطلق عليه اختصارا
MDQ
هو محور القصة الدرامية والسبب اللي علشانة القصة بتتحكي ... وكما يقول (ربورت ميكي) تعطش الجمهور للأجابة علي هذا التساؤل الدرامي المركزي هو ما يجعل العمل قادر علي اثارة انتباه واهتمام الجمهور بالقصة المحكية حتي الذروة والنهاية في اخر الفصل الثالث منها
في قلب كل قصة جيدة بنجد عامل دفع اساسي ومركزي وحواليه بتتجمع كل العوامل التانية ... العامل ده هو التساؤل الدرامي المركزي وده بيمثل للقصة ما يمثله المحرك للسيارة البورش او التركيز بالنسبة للنمر .. مش تسلسل عدد من المشاهد الاكشن في الفيلم ولا اكتر جمل الحوار ادرارا للدموع او تعلقا في ذهن المشاهد .. بل انه بيبقي بسيط لدرجة ممكن تخدعك وتخليك ماتحسش اصلا انه موجود
هو مجرد سؤال ... اكيد طبعا القصة الجيدة بتثير عدد كبير من الاسئلة في ذهن المتلقي ولازم طبعا القصة تجاوب عليهم كلهم ولكن بيبقي في سؤال ما معين في منتصف جبهة الفيلم هو ده التساؤل الدرامي المركزي .... كل قصة جيدة بيبقي لها التساؤل المميز بتاعها فكر فيه علي انه هو نواة القصة ... هو القوة الطاردة المركزية اللي بتدفع احداثها علي طول باث اوف اكشن بتاعها وبيسرعها بثبات وبطريقة تخطف الانفاس ناحية نهاية ذات ذروة .. وبمجرد ان يجاب هذا التساؤل المركزي فأن القصة بالتبعية تنتهي
يقول دانيال نواه ان السؤال الدرامي المركزي هو الشيء الذي يبقينا نشاهد ونتسائل كيف ستصير الاشياء في نهاية القصة . وفي النهاية لابد وان يكون هناك اجابة لهذا السؤال والتي عادة لا تخرج عن نعم أو لا
وعلشان تعرف السؤال الدرامي المركزي بيبقي عن طريق بطلك اللي بيبقي عنده هدف ملموس وعوائق ببتمنعه من تحقيق الهدف ده
خلينا ناخد بعض الامثلة للسؤال الدرامي المركزي
(Gone with the wind)هل سكارلت هاتكسب اشلي؟ .... ذهب مع الريح
(Die Hard)هل ماكلين هايحرر الرهائن؟ .... داي هارد
(Romeo and Juliet)هل روميو وجولييت هايتجوزوا ويعيشوا مع بعض؟؟ ..... روميو وجوليت
(Finding Nemo)هل مارلين هايلاقي ابنه؟ ..... البحث عن نيمو
(Django Unchained)هل العبد اللي تم تحريره هايلاقي مراته؟؟ ... دانجو ان شيند
(E.T.)هل اي تي هايرجع كوكبه؟ اي تي
ومن الافلام المفضلة ليا روكي وهانلاحظ ان سؤاله الدرامي المركزي بنضرب بيه عصفورين بحجر واحد ... هل روكي هايقر يهزم ابوللو كريد وده فعل (فيزيائي وخارجي) او علي الاقل هايقدر يقاومه اطول فترة ممكنة ويثبت لنفسه انه مش متشرد تافه وده شيء (نفسي وداخلي) هنا هانلاحظ انه ربط التيمة والذروة جوا التساؤل الدرامي المركزي ولازم ناخد بالنا ان التساؤل الدرامي المركزي لازم يدفع احداث القصة للأمام ولابد ان يكون مقيدا بالهدف الرئيسي للبطل
التساؤل المركزي هو الخط العابر الذي يحمل المشاهد من الفصل الاول عبر احداث الفيلم وصلا لنقطة الذروة اللي الفيلم بيتبني اصلا علشان نوصل للنقطة دي
ملحوظة : احيانا بيكون في استثناءات في بعض افلام السير الذاتية ووافلام البطولة الجماعية بتكون الاكثر خداعا في التعامل مع نقطة التساؤل الدرامي المركزي علي سبيل المثال في فيلم ابولو 13 التساؤل المركزي مش بيبقي هل سينجو رواد الفضاء ولكن ازاي رواد الفضاء دول هاينجو .... وفي فيلم قايمة شندلير ... مش هل شندلير هاينقذ ارواح اليهود في معسكر التعذيب النازي ولكن ازاي هايقدر يحقق ده
وحتي في الحالات اللي بيبقي فيها التساؤل المركزي مش واضح مية في المية فا انت بتحتاج من الجمهور بتاعك يسأل نفسه سؤالين ايه اللي هايحصل بعد كده والحوار ده هايخلص علي ايه؟؟
بلاك سنايدر في كتاب حافظ عالقطة
Save the Cat
في الفصل الرابع بيقول
انه في مكان ما في اول خمس صفحات (متوسط الصفحة التالتة مثلا ) من السيناريو المكتوب كويس .. شخص ما عادة مش هايكون البطل بيسأل سؤال او بيقول تصريح عادة بيوجهه للبطل بيكون فيه تيمة الفيلم وبيحمل جوهر التساؤل المركزي حاجة من نوعية
احذر مما تتمناه ... مثلا او الغرور هو سبب السقوط او مثلا ... العائلة اهم من النقود .... طبعا مش هاتبقي بالوضوح ده لازم هاتتقال بشكل متداري عن طريق ملاحظة غير مباشرة مش بيفهمها البطل في وقتها بس هايفهم المقصود منها ومعناها لاحقا
لو انت مش هاتقدر تجاوب علي سؤال الفيلم ده عن ايه؟؟ او المسلسل ده بيحكي عن ايه ؟؟ حتي لو بشكل مقتضب ومختصر يبقي انت اكيد واقع في مشكلة .. التساؤل الدرامي المركزي هو اللي بيوضح السؤال ده وبقية احداث الفيلم ده بتبقي محاولة للأجابة علي هذا التساؤل وزي ما قلنا هو بيبقي موجود في اول خمس دقايق ونسبة وتناسب هانلاقي ان السؤال ده بيثار في الحلقة البايلوت او الحلقة الاولي من المسلسل وبرضه بقية حلقات المسلسل هاتبقي محاولة للاجابة علي السؤال ده
يعني مثلا في مسلسل شرلوك علشان لسة مخلصه قريب التساؤل الدرامي المركزي بيبقي ... امتي شرلوك هايطل يبقي بني ادم بغيض وده يخليه يقابل الحب ويبقي له حياة برة حل الجرائم؟
الاجابة تحديدا احنا مانعرفش وممكن ده ما يحصلش ابدا بس احنا بنلاحظ انه واحدة واحدة بياخد باله وبيدرك قد ايه هو مهين وجارح وبنلاحظ انه واحدة واحدة بيتغير وبيقلل من حدة تصرفاته وتعليقاته
اخيرا لازم نعرف ان التساؤل الدرامي المركزي احيانا كتير بيبقي كاشف للتيمة بتاعة الفيلم او المسلسل ... والامرهنا اشبه بالجمل اللي كانت بتبقي مكتوبة قبل بدايات بعض الافلام وحاليا بتبقي مستخدمة في الروايات المطبوعة اكتر يعني مثلا في مسلسل ريفينج (انتقام) بتبدأ الاحداث بشاشة سودة مكتوب عليها
قبل ان تشرع في رحلة انتقام ... ابدا بحفر قبرين ..... كونفوشيوس 504 قبل الميلاد
الجملة دي وضحت التيمة بتاعت المسلسل واللي هي طبعا زي ماهو واضح من اسم المسلسل تيمة الانتقام وبيبقي التساؤل الدرامي المركزي بطبيعة الحال هل هايقدر البطل يحقق انتقامه وهل لما ينتقم هايرتاح نفسيا ولا هايدمر نفسه في سبيل انتقامه؟؟
وبناء علي ما سبق فكر كويس وخلي عندك اجابة كويسة لما حد يسألك هو فيلمك ده بيحكي عن ايه؟؟؟
وبكده ينتهي كلامنا عن تالت عنصر من حيث الترتيب بيجي في سيناريو الفيلم الطويل الا وهو السؤال الدرامي المركزي ... ياريت لو في حاجة مش واضحة عرفوني
وماتنسوش بقي الشير علشان الناس تستفيد والكومنتات علشان نتناقش في المكتوب
#محمود_ابو_العلا
#الهوك
#the_hook
#موفينيل
#movinel
تعليقات
إرسال تعليق