ايقاع النص
Beat
بعد ما خلصنا كلام عن افتتاحيات الافلام وطرق كتابتها والسؤال الدرامي المركزي والحدث المفجر والعشر صفحات الأولي للسيناريو طبعا اللي مش متابع من الاول يطلب اللينكات في التعليقات وهابعتهاله
هانتكلم عن حاجة مختلفة لازم نفهمها قبل ما ندخل في اللي جاي علشان ده هايبقي الاساس اللي هانتكلم عليه في النقط اللي جاية
كان المفروض ابدأ بالموضوع ده بس قلت اجر رجلكوا الاول وبعد كده اتكلم في الموضوع ده خوفا من انكوا تملوا وماتابعوش الكلام
مبدأيا كده الايقاع هو ضبط توقيت النغمات في المقطوعات الموسيقية، والأوزان في الأبيات الشعرية، وحركات أعضاء جسم الإنسان في الرقص.
هانلاقي أن الايقاع بيتكون مثلا من ضربات قوية وضربات ضعيفة لآلة إيقاعية زي الطبلة مثلا فهاتلاقيه بيتكون من دوم وتك .. فلما الايقاع يبقي دوم تك تك دوم تك تك تتابع الضربات الضعيفة والقوية دي ورا بعض بشكل معين بيخلق الايقاع أو البييت
في السيناريو بقي لو اخدنا كل عنصر من العناصر اللي المفترض تواجدها في السيناريو بتاعك هانجد أن كل عنصر من العناصر دي بيطلق عليه البييت ... الكلام القديم اللي كان بيتقال علي أن السيناريو بيتكون من تلات فصول وبين كل فصل نقطة من نقاط الحبكة الرئيسية اصبح قديم شوية .. هو وان كان مازال صحيح وساري إلا أن التعمق في كتابة السيناريو وتطور صناعة السينما أفرز نظريات أكثر تفصيلا لمحتوي السيناريو بتاعك وقسم السيناريو لعدد من الوحدات الصغيرة القائمة بذاتها اللي بتخدم غرض معين في السيناريو يطلق علي كل وحدة منهم البييت. وعليه فأن البييت هو أصغر وحدة متعارف عليها في كتابة السيناريو ولو أخدنا مصطلح البييت هانلاقي أن كتاب السيناريو لما بيقولوا كلمة بيت في كلامهم بيبقوا بيقصدوا حاجة من تلاتة
ايقاع القصة اللي هو نقاط الحبكة
أو الايقاع العاطفي ... اللي هو منحني تغيير الشخصية
أو الايقاع داخل المشهد اللي هو تحولات عاطفة الممثل أثناء أدائه جمل الحوار
خلونا نشرح الموضوع اكتر ونشوف كل واحد منهم بتفاصيل اكتر تقرب المعني
ايقاع القصة
هي نقاط الأحداث اللي بتتكون منهم قصتك الرئيسية لو انت وصلت الأحداث دي مع بعضها زي البازل كده يتكون عندك قصة الفيلم بتاعك .. يعني لما س بيحصل وبعده ص بيحصل وبعده ع بيحصل ....وهكذا الي نهاية القصة
فمثلا لما نادر بيقتل ام سعيد (س) فيقرر سعيد أنه ينتقم (ص) ... وهكذا هو ده ما يشكل أساس لقصتك أو نقدر نقول عليه أنه معادلة ( لو – اذن ) لو حصل كذا اذن هايحصل كرد فعل كذا .... أو ما يطلق عليه تتابع الفعل ورد الفعل
خلينا كمثال ناخد فيلم
The wedding planner
الحدث المفجر اللي هو أول بييت اساسي في القصة لما ماري بتوضح انها قررت تكون واحدة من الشركاء. الهدف ده هو اللي بيقود اختياراتها جوا القصة لو لم تستمر في التخطيط لحفلات الزفاف ماكانتش وصلت لهدفها بغض النظر عن حقيقة انها وقعت في حب العريس
وبناء عليه لما تيجي تخطط للسيناريو بتاعك وتعمل له جدول للبييتس اللي بتحصل فيه لازم تاخد بالك من ست بييتات أساسية لازم تحصل في السيناريو بتاعك وبعد كده تدخل لكل بييت وتخرج منه علي اللي بعده لغاية لما تنهي قصتك والست بييتات هما
العالم الطبيعي
الحدث المفجر
نقطة الحبكة الاولي
نقطة المنتصف ..
نقطة الحبكة التانية
الذروة
طبعا في نظريات بتتكلم عن سبع وبتدخل ( ما بعد الأحداث ) مع الايقاعات الاساسية أو تمن ايقاعات أساسية بتحصل في القصة وفي أعداد أكبر وفي البوستات القادمة هانناقش كل نقطة ايقاعية او نقطة من نقط الحبكة ومكانها والغرض منها استكمالا لسلسلة البوستات السابقة
النوع التاني بقي هو الايقاع العاطفي أو منحني تغير الشخصية
الأحداث في السيناريو لابد لأن تؤدي إلي تفاعل في مشاعر الشخصية بتغيرها ودي هي البييتات العاطفية المفترض تواجدها داخل عقل وقلب شخصياتك
لحظات التفاعل العاطفي اللي بتمر بيها الشخصية وبتبرر ردود افعالها علي مدار قصة الفيلم لو انت وصلت نقاط التفاعل العاطفي دي علي مدار الفيلم بينتج ليك ما يطلق عليه منحني تغير الشخصية
زي مثلا علي سبيل المثال الست اللي بتعاني من فراغ عاطفي لما بتلاقي حب حياتها خلال أحداث الفيلم
أو مثلا الراجل الجلنف ابو لسان طويل لما بيتحول لانسان عطوف محب لغيره .... الخ
وعلشان نبين ده اكتر خلينا نفترض قصة وليكن مثلا راجل في منصب كويس في شركة كبيرة كان بيتوقع أنه هايتم ترقيته ولكن بدلا من الترقية دي بيتفصل من شغله. وهو مروح صاعقة بتضربه وبدل ما يموت بيعود للحياة بس ده بيخلق عنده قناعة معينة ممكن واحد يشوف أن البطل هايحس أن ربنا أنقذه لسبب ما فيقرر أنه يستشيخ ويمشي في طريق الدعوة اللي الله ويقضي بقية الفيلم في ازاي البطل هايمشي في الطريق ده في حين أن كاتب تاني ممكن يشوف أن حادث زي ده هاتخلي البطل يحس أن الموت قريب جدا فيقرر أنه يجازف بكل ما يملك في مشاريع كان خايف يعملها فينجح واحد منهم ويبقي غني جدا لدرجة أنه بيشتري الشركة اللي اتفصل منها ..... كل دي تغيرات عاطفية داخل عقل البطل بتبررها الأحداث اللي مر بيها وزي ما احنا متفقين لازم بطلك يتغير من جواه خلال أحداث الفيلم
خلينا كمثال ناخد فيلم
The wedding planner
التحول العاطفي الأساسي في الفيلم بيحصل لما ابو البطلة بيبلغها أنه لقي حد موافق أنه يتجوزها طبعا هي بتترعب وحرفيا بتطلع تجري من الاوضة بس من المشهد ده بيبان أن قصة الفيلم هاتدور حوالين انها هاتقضي الفيلم في البحث عن شخص تحبه ويحبها
النوع التالت من الايقاع بقي هو التغيرات في المشاعر للممثل داخل المشهد الواحد ..
وهو بيبقي نقطة محددة جوا المشهد بيكون فيها تحول عاطفي كبير للشخصية ... بعض الكتاب في بلاد الأجانب بيجي عند نقطة زي دي ويروح كاتبلك كلمة بييت بين قوسين بس انا شايف أن عندنا الكلام ده مايكلش وبدلا منه انت المفروض تقوم حاطط سطر شرح للمشهد تبين أن في المنطقة دي بييت أو تغير في المشاعر وفي كثير من الحالات انت مش بتبقي محتاج انك حتي تقول ده والتحول العاطفي ده بيتفهم من السياق
وعلي سبيل المثال لما سعيد بيقفش نادر وبيحط المسدس علي دماغه وفي نيته أنه يقتله بيجي نادر ويفاجأه بحقيقة أن نادر اخوه وان أمه كانت زمان سبب في قتل ابوه (هندي انا عارف بس استحمل معايا شوية ) هنا قناعات سعيد بتتغير وبيبدأ يدرك أن نادر كان فعله مبرر وبيبدأ يغير قناعاته وتفكيره في كل حاجة ... هو ده البييت العاطفي اللي بتتكلم عليه
خلينا كمثال ناخد فيلم
The wedding planner
وده مثال جيد على النوع ده من الإيقاع (مع اني متأكد أن كاتب الفيلم ماكتبش إيقاع في الصفحة) وده لما أعلن ستيف فجأة عن حبه لمريم بعد ما واجهت خطيبها السابق وتاهت. هي لحظة سويت اند ساور 😂😂😂😂 قصدي لحظة حلوة ومرة ، لأنه على الرغم من أنها تعرف واحنا كمان نعرف أنها بتحبه ، إلا أنه بيتزوج من واحدة تانية. كان ممكن تجاريه – بس هي بدل من كده بتقفل الباب في وشه. ومع ذلك ، فإن دي نقطة تحول / انقلاب عاطفي كبيرة داخل المشهد
خلينا في النهاية بقي نتفق أن كل مشهد لو هايتكتب بشكل مثالي لازم يبقي فيه اول نوعين من الايقاعات ايقاع القصة والايقاع العاطفي .... الخيار اللي الشخصية لتختار انها تسلكه والفعل اللي الشخصية بتعمله اللي بيكشف الشخصية وبيبينها في بعض الحالات ، بيكون الدافع الرئيسي للمشهد هو الإيقاع العاطفي الذي تم التأكيد عليه بايقاع لطيف للقصة (على سبيل المثال ، ماري تهرب من اختيار العريس للأب. الدافع الرئيسي لهذه القصة هو حالتها العاطفية ، بينما في القصة الاساسية التوجه الأساسي هو تحقيقها للهدف) وكقاعدة عامة أي مشهد رئيسي للايقاعات الستة اللي ذكرناهم قبل كده في البوست (باستثناء العالم الطبيعي وما بعد الأحداث) لازم يكون جواه نوع من التحول العاطفي جوا المشهد ، وده بيخلي الأحداث تروح في اتجاه جديد
وبكده ينتهي كلامنا عن الايقاعات في السيناريو وانواعها او كما يطلق عليها the beat وهانذكر الباقي تباعا
ماتنسوش بقي الشير علشان الناس تستفيد والكومنتات علشان نتناقش في المكتوب
#البييت
#the_beat
#محمود_ابو_العلا
#موفينيل
#movinel
Beat
بعد ما خلصنا كلام عن افتتاحيات الافلام وطرق كتابتها والسؤال الدرامي المركزي والحدث المفجر والعشر صفحات الأولي للسيناريو طبعا اللي مش متابع من الاول يطلب اللينكات في التعليقات وهابعتهاله
هانتكلم عن حاجة مختلفة لازم نفهمها قبل ما ندخل في اللي جاي علشان ده هايبقي الاساس اللي هانتكلم عليه في النقط اللي جاية
كان المفروض ابدأ بالموضوع ده بس قلت اجر رجلكوا الاول وبعد كده اتكلم في الموضوع ده خوفا من انكوا تملوا وماتابعوش الكلام
مبدأيا كده الايقاع هو ضبط توقيت النغمات في المقطوعات الموسيقية، والأوزان في الأبيات الشعرية، وحركات أعضاء جسم الإنسان في الرقص.
هانلاقي أن الايقاع بيتكون مثلا من ضربات قوية وضربات ضعيفة لآلة إيقاعية زي الطبلة مثلا فهاتلاقيه بيتكون من دوم وتك .. فلما الايقاع يبقي دوم تك تك دوم تك تك تتابع الضربات الضعيفة والقوية دي ورا بعض بشكل معين بيخلق الايقاع أو البييت
في السيناريو بقي لو اخدنا كل عنصر من العناصر اللي المفترض تواجدها في السيناريو بتاعك هانجد أن كل عنصر من العناصر دي بيطلق عليه البييت ... الكلام القديم اللي كان بيتقال علي أن السيناريو بيتكون من تلات فصول وبين كل فصل نقطة من نقاط الحبكة الرئيسية اصبح قديم شوية .. هو وان كان مازال صحيح وساري إلا أن التعمق في كتابة السيناريو وتطور صناعة السينما أفرز نظريات أكثر تفصيلا لمحتوي السيناريو بتاعك وقسم السيناريو لعدد من الوحدات الصغيرة القائمة بذاتها اللي بتخدم غرض معين في السيناريو يطلق علي كل وحدة منهم البييت. وعليه فأن البييت هو أصغر وحدة متعارف عليها في كتابة السيناريو ولو أخدنا مصطلح البييت هانلاقي أن كتاب السيناريو لما بيقولوا كلمة بيت في كلامهم بيبقوا بيقصدوا حاجة من تلاتة
ايقاع القصة اللي هو نقاط الحبكة
أو الايقاع العاطفي ... اللي هو منحني تغيير الشخصية
أو الايقاع داخل المشهد اللي هو تحولات عاطفة الممثل أثناء أدائه جمل الحوار
خلونا نشرح الموضوع اكتر ونشوف كل واحد منهم بتفاصيل اكتر تقرب المعني
ايقاع القصة
هي نقاط الأحداث اللي بتتكون منهم قصتك الرئيسية لو انت وصلت الأحداث دي مع بعضها زي البازل كده يتكون عندك قصة الفيلم بتاعك .. يعني لما س بيحصل وبعده ص بيحصل وبعده ع بيحصل ....وهكذا الي نهاية القصة
فمثلا لما نادر بيقتل ام سعيد (س) فيقرر سعيد أنه ينتقم (ص) ... وهكذا هو ده ما يشكل أساس لقصتك أو نقدر نقول عليه أنه معادلة ( لو – اذن ) لو حصل كذا اذن هايحصل كرد فعل كذا .... أو ما يطلق عليه تتابع الفعل ورد الفعل
خلينا كمثال ناخد فيلم
The wedding planner
الحدث المفجر اللي هو أول بييت اساسي في القصة لما ماري بتوضح انها قررت تكون واحدة من الشركاء. الهدف ده هو اللي بيقود اختياراتها جوا القصة لو لم تستمر في التخطيط لحفلات الزفاف ماكانتش وصلت لهدفها بغض النظر عن حقيقة انها وقعت في حب العريس
وبناء عليه لما تيجي تخطط للسيناريو بتاعك وتعمل له جدول للبييتس اللي بتحصل فيه لازم تاخد بالك من ست بييتات أساسية لازم تحصل في السيناريو بتاعك وبعد كده تدخل لكل بييت وتخرج منه علي اللي بعده لغاية لما تنهي قصتك والست بييتات هما
العالم الطبيعي
الحدث المفجر
نقطة الحبكة الاولي
نقطة المنتصف ..
نقطة الحبكة التانية
الذروة
طبعا في نظريات بتتكلم عن سبع وبتدخل ( ما بعد الأحداث ) مع الايقاعات الاساسية أو تمن ايقاعات أساسية بتحصل في القصة وفي أعداد أكبر وفي البوستات القادمة هانناقش كل نقطة ايقاعية او نقطة من نقط الحبكة ومكانها والغرض منها استكمالا لسلسلة البوستات السابقة
النوع التاني بقي هو الايقاع العاطفي أو منحني تغير الشخصية
الأحداث في السيناريو لابد لأن تؤدي إلي تفاعل في مشاعر الشخصية بتغيرها ودي هي البييتات العاطفية المفترض تواجدها داخل عقل وقلب شخصياتك
لحظات التفاعل العاطفي اللي بتمر بيها الشخصية وبتبرر ردود افعالها علي مدار قصة الفيلم لو انت وصلت نقاط التفاعل العاطفي دي علي مدار الفيلم بينتج ليك ما يطلق عليه منحني تغير الشخصية
زي مثلا علي سبيل المثال الست اللي بتعاني من فراغ عاطفي لما بتلاقي حب حياتها خلال أحداث الفيلم
أو مثلا الراجل الجلنف ابو لسان طويل لما بيتحول لانسان عطوف محب لغيره .... الخ
وعلشان نبين ده اكتر خلينا نفترض قصة وليكن مثلا راجل في منصب كويس في شركة كبيرة كان بيتوقع أنه هايتم ترقيته ولكن بدلا من الترقية دي بيتفصل من شغله. وهو مروح صاعقة بتضربه وبدل ما يموت بيعود للحياة بس ده بيخلق عنده قناعة معينة ممكن واحد يشوف أن البطل هايحس أن ربنا أنقذه لسبب ما فيقرر أنه يستشيخ ويمشي في طريق الدعوة اللي الله ويقضي بقية الفيلم في ازاي البطل هايمشي في الطريق ده في حين أن كاتب تاني ممكن يشوف أن حادث زي ده هاتخلي البطل يحس أن الموت قريب جدا فيقرر أنه يجازف بكل ما يملك في مشاريع كان خايف يعملها فينجح واحد منهم ويبقي غني جدا لدرجة أنه بيشتري الشركة اللي اتفصل منها ..... كل دي تغيرات عاطفية داخل عقل البطل بتبررها الأحداث اللي مر بيها وزي ما احنا متفقين لازم بطلك يتغير من جواه خلال أحداث الفيلم
خلينا كمثال ناخد فيلم
The wedding planner
التحول العاطفي الأساسي في الفيلم بيحصل لما ابو البطلة بيبلغها أنه لقي حد موافق أنه يتجوزها طبعا هي بتترعب وحرفيا بتطلع تجري من الاوضة بس من المشهد ده بيبان أن قصة الفيلم هاتدور حوالين انها هاتقضي الفيلم في البحث عن شخص تحبه ويحبها
النوع التالت من الايقاع بقي هو التغيرات في المشاعر للممثل داخل المشهد الواحد ..
وهو بيبقي نقطة محددة جوا المشهد بيكون فيها تحول عاطفي كبير للشخصية ... بعض الكتاب في بلاد الأجانب بيجي عند نقطة زي دي ويروح كاتبلك كلمة بييت بين قوسين بس انا شايف أن عندنا الكلام ده مايكلش وبدلا منه انت المفروض تقوم حاطط سطر شرح للمشهد تبين أن في المنطقة دي بييت أو تغير في المشاعر وفي كثير من الحالات انت مش بتبقي محتاج انك حتي تقول ده والتحول العاطفي ده بيتفهم من السياق
وعلي سبيل المثال لما سعيد بيقفش نادر وبيحط المسدس علي دماغه وفي نيته أنه يقتله بيجي نادر ويفاجأه بحقيقة أن نادر اخوه وان أمه كانت زمان سبب في قتل ابوه (هندي انا عارف بس استحمل معايا شوية ) هنا قناعات سعيد بتتغير وبيبدأ يدرك أن نادر كان فعله مبرر وبيبدأ يغير قناعاته وتفكيره في كل حاجة ... هو ده البييت العاطفي اللي بتتكلم عليه
خلينا كمثال ناخد فيلم
The wedding planner
وده مثال جيد على النوع ده من الإيقاع (مع اني متأكد أن كاتب الفيلم ماكتبش إيقاع في الصفحة) وده لما أعلن ستيف فجأة عن حبه لمريم بعد ما واجهت خطيبها السابق وتاهت. هي لحظة سويت اند ساور 😂😂😂😂 قصدي لحظة حلوة ومرة ، لأنه على الرغم من أنها تعرف واحنا كمان نعرف أنها بتحبه ، إلا أنه بيتزوج من واحدة تانية. كان ممكن تجاريه – بس هي بدل من كده بتقفل الباب في وشه. ومع ذلك ، فإن دي نقطة تحول / انقلاب عاطفي كبيرة داخل المشهد
خلينا في النهاية بقي نتفق أن كل مشهد لو هايتكتب بشكل مثالي لازم يبقي فيه اول نوعين من الايقاعات ايقاع القصة والايقاع العاطفي .... الخيار اللي الشخصية لتختار انها تسلكه والفعل اللي الشخصية بتعمله اللي بيكشف الشخصية وبيبينها في بعض الحالات ، بيكون الدافع الرئيسي للمشهد هو الإيقاع العاطفي الذي تم التأكيد عليه بايقاع لطيف للقصة (على سبيل المثال ، ماري تهرب من اختيار العريس للأب. الدافع الرئيسي لهذه القصة هو حالتها العاطفية ، بينما في القصة الاساسية التوجه الأساسي هو تحقيقها للهدف) وكقاعدة عامة أي مشهد رئيسي للايقاعات الستة اللي ذكرناهم قبل كده في البوست (باستثناء العالم الطبيعي وما بعد الأحداث) لازم يكون جواه نوع من التحول العاطفي جوا المشهد ، وده بيخلي الأحداث تروح في اتجاه جديد
وبكده ينتهي كلامنا عن الايقاعات في السيناريو وانواعها او كما يطلق عليها the beat وهانذكر الباقي تباعا
ماتنسوش بقي الشير علشان الناس تستفيد والكومنتات علشان نتناقش في المكتوب
#البييت
#the_beat
#محمود_ابو_العلا
#موفينيل
#movinel
تعليقات
إرسال تعليق