مساء الخير عليكم واهلا بيكوا في لقاء بيتجدد مع سيناريو الفيلم الطويل
الاول .... قول والله والله ... هاشير البوست ده ...... ولن اقوم باي نسخ له علي بروفايلي .... خد بالك انت حلفت
😂😂😂😂😂
النهاردة هانتكلم عن حاجة مهمة جدا في كتابة السيناريو وهو انماط الشخصية .... نمط الشخصية في العمل الدرامي هو احد المكونات الرئيسية لأي عمل ناجح وهو نقطة البداية لخلق شخصيات بنحبها او نكرهها او نتعلم منها .. بس عمرنا ما بننساها سواء في السينما او التليفزيون
من الحاجات اللي بتقلق اي كاتب سيناريو لما بيبدا يشتغل علي فيلمه او اي نتاج ادبي ليه وبتشغل حيز كبير من تفكيره هي تطوير الشخصيات وخلقها وعلشان تخلق شخصيات تتصدق لازم تجاوب عن اسئلة كتيرة جدا تخص الشخصية وبيبقي الامر مش مجرد (خلفيات قص) او ماضي الشخصية ولكنه ايضا بيشمل نقاط قوة الشخصية ونقاط ضعفها وما يخلق بداخلها التحفيز داخل احداث القصة
ممكن اجابات الاسئلة اللي بتتشكل منها شخصية عملك وارد تكون معقدة ولكن لحسن الحظ في ادوات كتير وانماط مسبقة بتساعدك انك تخطط شخصياتك علي الورق بشكل يجعل فيها تنوع وغني
بالبحث والمحص والتدقيق اكتشفنا ان في اتناشر نمط مشهور للشخصيات في الاعمال الدرامية هانبدأ نشرحهم واحدة واحدة كده براحة وندي امثلة عليهم علشان تبقي فاهم الدنيا بتمشي ازاي لما تخطط لشخصيات عملك الدرامي الجاي
خلينا الاول نشوف ايه تعريف انماط الشخصية بالكلام الجعلص وبعد كده هانتكلم فيهم بالاسلوب الشعبي (بكسر الشين) القريب للفهم
انماط الشخصية : هي النماذج الأولية التي تنبثق منها الصور والموتيفات او الافكار الرئيسية التي تتشكل منها الشخصيات مثل المحارب واليتيم والمهرج ... الخ من بين اشياء اخري حيث يشكل التاريخ والثقافة والسياق الشخصي هذة القوائم الواضحة وبالتالي منحها محتواها المحدد
يعني بالهجايص كده دي استمارات فاضية نقدر نشربها بالافكار اللي عندنا عن الشخصيات وتوصيفها علشان نلهمها الحياة وننفخ فيها الروح علي الورق داخل العمل الدرامي
وبناء علي تصنيف كارل جانج في اتناشر نوع من انماط الشخصيات هانتكلم عليهم تباعا
1- نمط المحارب ********
اول انماط الشخصية معانا النهاردة هو نمط المحارب وده نمط بيبقي مميز في المبارزة والخطابة وديما المحارب بيبقي شخص عنده خطة ما بيحاول تنفيذها . هو بطل تقليدي بكل ما تحمل الكلمة من معاني. وهو موجود في الوجود علشان يقود القوات وياخدهم للمعارك او يقودهم علشان يسرقوا بنك او يقودهم علشان يهربوا من بلد ...... الخ
(مواطن قوة المحارب)
قدراته الجسمانية او العقلية
ثقته بنفسه وقدراته
استعدادة لأي شيء
رباطة جأشه
(مواطن ضعف المحارب)
غروره
استهانته بقدرات غريمه
ثقته المفرطة بنفسه
(دوافع المحارب)
لابد لأن يتحمل احدهم المسؤلية ... لماذا لا يكون هذا الشخص هو انا ؟؟؟
(امثلة)
• Captain America ...... Wonder Woman ... Danny Ocean .... Shaft
2- نمط الطفل ********
تاني انماط الشخصية معانا النهاردة هو نمط الطفل وهو ديما بيظن ان العالم مكان لطيف الناس فيه بتحب بعض بس الواقع بيظرفه جرعة من الحقيقة الموجعة .. ديما بيبقي اخضر كده من جواه ساذج ولازم يتخد علي قفاه علشان يتعلم
(مواطن قوة الطفل)
خيالي
عنده ثقة بالناس
عنده امل
(مواطن ضعف الطفل)
قدراته الجسمانية او سلطته محدودة
ساذج وغر وبريء مش مطقطق
من السهل جدا استغلاله
(دوافع الطفل)
انه يتعلم .. او يصل للسعادة .. او يجد الحقيقة
(أمثلة)
• Gordie from Stand by Me ........ Scout from To Kill A Mockingbird ..... Alice from Alice in Wonderland
وبكدة ينتهي كلامنا عن اول نوعين من انماط الشخصية الدرامية في الاعمال الدرامية وهانتكلم ان شاء الله في الباقي تباعا ياريت لو في اي حاجة مش واضحة نتناقش فيها
وماتنسوش الشير علشان الناس تستفيد واللايكات علشان اتشجع اني اكمل والكومنتات علشان نتناقش ونستفيد كلنا
#انماط_الشخصية1
#Character_Archetypes1
#موفينيل
#MOVINEL
الاول .... قول والله والله ... هاشير البوست ده ...... ولن اقوم باي نسخ له علي بروفايلي .... خد بالك انت حلفت
😂😂😂😂😂
النهاردة هانتكلم عن حاجة مهمة جدا في كتابة السيناريو وهو انماط الشخصية .... نمط الشخصية في العمل الدرامي هو احد المكونات الرئيسية لأي عمل ناجح وهو نقطة البداية لخلق شخصيات بنحبها او نكرهها او نتعلم منها .. بس عمرنا ما بننساها سواء في السينما او التليفزيون
من الحاجات اللي بتقلق اي كاتب سيناريو لما بيبدا يشتغل علي فيلمه او اي نتاج ادبي ليه وبتشغل حيز كبير من تفكيره هي تطوير الشخصيات وخلقها وعلشان تخلق شخصيات تتصدق لازم تجاوب عن اسئلة كتيرة جدا تخص الشخصية وبيبقي الامر مش مجرد (خلفيات قص) او ماضي الشخصية ولكنه ايضا بيشمل نقاط قوة الشخصية ونقاط ضعفها وما يخلق بداخلها التحفيز داخل احداث القصة
ممكن اجابات الاسئلة اللي بتتشكل منها شخصية عملك وارد تكون معقدة ولكن لحسن الحظ في ادوات كتير وانماط مسبقة بتساعدك انك تخطط شخصياتك علي الورق بشكل يجعل فيها تنوع وغني
بالبحث والمحص والتدقيق اكتشفنا ان في اتناشر نمط مشهور للشخصيات في الاعمال الدرامية هانبدأ نشرحهم واحدة واحدة كده براحة وندي امثلة عليهم علشان تبقي فاهم الدنيا بتمشي ازاي لما تخطط لشخصيات عملك الدرامي الجاي
خلينا الاول نشوف ايه تعريف انماط الشخصية بالكلام الجعلص وبعد كده هانتكلم فيهم بالاسلوب الشعبي (بكسر الشين) القريب للفهم
انماط الشخصية : هي النماذج الأولية التي تنبثق منها الصور والموتيفات او الافكار الرئيسية التي تتشكل منها الشخصيات مثل المحارب واليتيم والمهرج ... الخ من بين اشياء اخري حيث يشكل التاريخ والثقافة والسياق الشخصي هذة القوائم الواضحة وبالتالي منحها محتواها المحدد
يعني بالهجايص كده دي استمارات فاضية نقدر نشربها بالافكار اللي عندنا عن الشخصيات وتوصيفها علشان نلهمها الحياة وننفخ فيها الروح علي الورق داخل العمل الدرامي
وبناء علي تصنيف كارل جانج في اتناشر نوع من انماط الشخصيات هانتكلم عليهم تباعا
1- نمط المحارب ********
اول انماط الشخصية معانا النهاردة هو نمط المحارب وده نمط بيبقي مميز في المبارزة والخطابة وديما المحارب بيبقي شخص عنده خطة ما بيحاول تنفيذها . هو بطل تقليدي بكل ما تحمل الكلمة من معاني. وهو موجود في الوجود علشان يقود القوات وياخدهم للمعارك او يقودهم علشان يسرقوا بنك او يقودهم علشان يهربوا من بلد ...... الخ
(مواطن قوة المحارب)
قدراته الجسمانية او العقلية
ثقته بنفسه وقدراته
استعدادة لأي شيء
رباطة جأشه
(مواطن ضعف المحارب)
غروره
استهانته بقدرات غريمه
ثقته المفرطة بنفسه
(دوافع المحارب)
لابد لأن يتحمل احدهم المسؤلية ... لماذا لا يكون هذا الشخص هو انا ؟؟؟
(امثلة)
• Captain America ...... Wonder Woman ... Danny Ocean .... Shaft
2- نمط الطفل ********
تاني انماط الشخصية معانا النهاردة هو نمط الطفل وهو ديما بيظن ان العالم مكان لطيف الناس فيه بتحب بعض بس الواقع بيظرفه جرعة من الحقيقة الموجعة .. ديما بيبقي اخضر كده من جواه ساذج ولازم يتخد علي قفاه علشان يتعلم
(مواطن قوة الطفل)
خيالي
عنده ثقة بالناس
عنده امل
(مواطن ضعف الطفل)
قدراته الجسمانية او سلطته محدودة
ساذج وغر وبريء مش مطقطق
من السهل جدا استغلاله
(دوافع الطفل)
انه يتعلم .. او يصل للسعادة .. او يجد الحقيقة
(أمثلة)
• Gordie from Stand by Me ........ Scout from To Kill A Mockingbird ..... Alice from Alice in Wonderland
وبكدة ينتهي كلامنا عن اول نوعين من انماط الشخصية الدرامية في الاعمال الدرامية وهانتكلم ان شاء الله في الباقي تباعا ياريت لو في اي حاجة مش واضحة نتناقش فيها
وماتنسوش الشير علشان الناس تستفيد واللايكات علشان اتشجع اني اكمل والكومنتات علشان نتناقش ونستفيد كلنا
#انماط_الشخصية1
#Character_Archetypes1
#موفينيل
#MOVINEL
تعليقات
إرسال تعليق