ملف الشخصيات الدرامية
Dramatic character profiles
مساء الخير علي كل كتاب السيناريو في مصر والوطن العربي
كتير بيتطلب منك وانت بتقدم فيلمك لأي حد او اي جهة (سواء مخرج, منتج, جهة انتاج, جهة تمويل, مسابقة ... الخ) معالجة للعمل واللي بيبقي جزء مهم منها جدا ملف الشخصيات ومن الطبيعي ان شخصيات عملك كلها بتبقي في دماغك ومحدد بالظبط كل صفاتهم ولكن بيحصل مشكلة لما تيجي تحط ده عالورق انك ممكن تكتب كام سطر وتعطل او تسقط بعض التفاصيل وانت بتكتب ومنعا للحيرة دي وعلشان تقدر تعمل ملف شخصيات او كراكتر بروفايل شامل كامل وافي وفيه كل الصفات المهمة عملت لك قائمة بأهم الصفات اللي هاتحتاج تحطها لكل شخصية من شخصياتك علشان يبقي عندك قالب شبه جاهز تعمل عليه شوية تعديلات بسيطة بناء علي طبيعة كل عمل .. وطبعا مش محتاج أأكد ان الكلام ده مش قرآن تقدر تحذف بنود او تضيف بنود علي حسب طبيعة عملك وطبعا بديهي انك هاتعمل جدول مماثل لكل ابطال عملك وكذلك للشخصيات الرئيسية للعمل .. ولو قدرت تعمل منه نسخة بشكل اكثر تبسيطا لبقية شخصيات عملك يبقي شيء الطف حتي لو مش هاتقدمها لحد بس هاتساعدك بشكل كبير اثناء كتابة العمل بحيث تبقي كل شخصية متميزة ومختلفة ومايبقاش في تكرار لشخصيات معينة
وحابب انوه كمان ان الملف ده مفيد جدا بالنسبة لك سواء بتكتب سيناريو فيلم او مسلسل او رواية اي عمل ادبي خيالي
هانبدأ بالصفات الجسمانية او الشكلية اللي تقدر تشوفها علي شكل الشخصية بعينك المجردة
الصفات المرئية
الجنس . ذكر انثي خنثي ... الخالسن : شريحة سنية مثل اوائل العشرينات اواخر اخمسينات منتصف الثلاثينات
الوزن والطول . طويل قصير ممشوق القوام ممتلئ .. الخ
لون الشعر ونوعه والبشرة والعين اسود بني برتقالي .. بشرة بيضاء او سمراء او سوداء .. صافية او فيها نمش .. العين سوداء بنية خضراء .... الخ
المظهر العام متناسق .. مبهدل غير مهندم .. الخ
عوامل وراثية اصلع ضخم الجثة طويل الأطراف ... الخ
امراض هل مصاب بأية امراض لها علاقة بالدراما او الأحداث .. بمعني هل عنده السكر يبقي ده معناه انه بيقوم كتير بالليل وممكن يكتشف الحرامي ... الخ
معوقات بدنية ذو اعاقة معينة كفيف ثقيل السمع .. الخ
بعد كده الصفات او الخصائص اللي تخص البيئة اللي بتعيش فيها الشخصية
الصفات الأجتماعية
المستوي الأجتماعي من بيئة فقيرة او غنية او متوسطةالعمل يعمل او لا يعمل وما عي مهنته وهل هو متميز فيها ولا كارهها ... الخ
الدخل منخفض او متوسط او عالي الدخل
التعليم متعلم او جاهل .. تخصصه .. مستوي تعليمه .. دبلوم جامعة ماجستير دكتوراه يعمل بشهادته ام يمتهن مهنة اخري
الحياة المنزلية وضعه في منزله .. محبوب مكروه مهيض الجناح ..
الحياة العائلية وضعه في عائلته محبوب مكروه مهضوم حقه ... الخ
الديانة ومستوي التدين. مسلم مسيحي يهودي .. ملحد لا ديني ... الخ .. ولازم تبقي فاهم الفروق مابينهم كويس متدين غير متدين متطرف ... الخ
الجنسية مصري عربي اجنبي ... الخ
الحياة الأجتماعية منطوي .. منفتح واجتماعي .. علاقته ببيته واهله واهل منطقته .. الخ
واخيرا الصفات النفسية اللي بتحكم تصرفات الشخصية داخل حدود عملك الدرامي
الصفات السيكلوجية
الحياة الجنسية محب للجنس الأخر .. مثلي .. محب للأطفال .. الخالقيم والمبادئ هل لديه قيم ومبادئ ام عديمهم .. يكذب يقبل الرشوة .. الخ ولأضفاء بعض الأنسانية عليه قد يكون تاجر مخدرات ولكنه لا يغش مخدراته ... الخ
الذكاء ذكي غبي .. ذكائه من النوع الشرير ام يسخر امكانياته في خدمة غيره .. غباءه ناتج عن سوء فهم ام مكابرة ... الخ
العقد والمخاوف هل لديه اي عقد او مخاوف تخص الدراما .. هل يخاف الماء والسباحة علشان كده مش هايقدر ينقذ صاحبه لو شارف عالغرق ... الخ
وجهة النظر في الحياة ... مسالم مواجه منهزم
القدرات المواهب التخيل اللغات : هل يمتلك قدرات خارقة بيطير بيقرأ افكار .. الخ .. هل لديه مواهب مؤلف رسام ملحن .. وهل يمارس موهبته لكسب عيشه ام لمزاجه الخاص ... واقعي ام حالم .... يتحدث لغته الأم فقط ام يتحدث لغة اجنبية او اكثر
الذوق العام : رفيع الذوق منحط الذوق ... الخ
طبعا هاتحتاج تكتب بس الحاجات المهمة جدا لأحداث عملك وممكن تزود حاجات لو طبيعة العمل محتاجة او تقلل حاجات لو شايف ان التفصيلة دي مش مهمة لشخصيتك
وعلشان ما تتعبش عملتلك الجدول ده فيه الخانات وكل خانة قدامها جزء فاضي تقدر تكتب فيه كل اللسمات والصفات اللي تخص الشخصية بتاعتك الجدول هاتلاقي لينك التحميل بتاعه ورد وبي دي اف تقدر تحمله وتعدل فيه براحتك
ماتنساش بقي فضلا وليس أمرا تشير البوست وتتفاعل معاه باللايك والتعليقات سواء علي الفيس بوك او عالمدونة نفسها وماتخليش المعلومة تقف عندك علشان اكبر قدر ممكن من المهتمين يستفيد
لتحميل ملف الشخصيات بصيغة ورد اضغط : هنا
لتحميل ملف الشخصيات بصيغة بي دي اف اضغط : هنا
السمات الشخصية
الصفات المرئية
الجنس
السن
الوزن والطول
الشعر البشرة العين
المظهر العام
عوامل وراثية
امراض
معوقات بدنية
الصفات الاجتماعية
المستوي الأجتماعي
العمل
الدخل
التعليم
الحياة المنزلية
الحياة العائلية
الديانة ومستوي التدين
الجنسية
الحياة الأجتماعية
الصفات السيكلوجية
الحياة الجنسية
القيم والمبادئ
الذكاء
العقد والمخاوف
وجهة النظر في الحياة
القدرات
المواهب
التخيل
اللغات
_______________________________________
#موفينيل
#movinel
#ملف_الشخصيات
#ملف_الشخصيات_الدرامية
#Dramatic_character_profiles
#character_profiles
تعليقات
إرسال تعليق