المكافح العنيد لظاهرة التفخيد ج١

اولي حلقات الكتاب المترجم Butt in chair ^_^

كتب : اسلام عماد للتواصل مع المترجم اضغط هنا 

 و ترجمته العامية "المكافح العنيد لظاهرة التفخيد :v "

عن علاج لظاهرة الكسل اللى بتمنع المؤلفين من بدء كتابتهم لأعمالهم الادبية..

الحلقة الأولي : إياك تتخلي عن احلامك الخاصة بالكتابة

"عقلي عاوزني استسلم, لكن قلبي بيمنعني من دا"...

عديد من المؤلفين هيحسوا بالمقولة دي, ,خصوصاً اللى اترفض لهم روايات قبل كده كتير, و اللى كسلوا و أجلوا الكتابة لغاية ما وصلوا لنقطة الاندهاش من استمرار وجود الامل اساساً.

انسوا كل دا, و ارموه ورا ضهركم. الحل الوحيد لكتابة مستقبلكم, هو السماح لنفسكم ببدء الكتابة دي.

ككاتب عنده احلام كبيرة, اكيد قابلت ناس حسستك ان احلامك دي مستحيلة, و ساعتها فكرت لثواني و قلت لنفسك "يمكن عندهم حق. يمكن دا شئ مش هيحصل لي فعلاً."

لكنك بعدها بتقنع نفسك انك تتجاهلهم, و تفضل مستمر بطاقتك الايجابية و تكمل احلامك.

اكيد من الصعب انك تفضل تطارد حلمك, و تحس انه مهما عملت ومهما تعبت, مش هتوصل!

كل الكتاب مدركين الاحساس دا..(في الواقع, كل الناس اللي بتحلم احلام عظيمة مدركين الاحساس دا).

لكن لازم تتقدم, و تستمر في المحاولة, و الاهم أنك تستمر في ايمانك بقدرتك.

انتا جواك القوة الكافية لتنفيذ كل احلامك و تحويلها لحقيقة, اهم شئ انك تنوي و تبدأ, و تواجه كل الناس اللي بتعطلك و تديك طاقة سلبية, و تنفذ اللى عاوزه سواء بإرادتهم او غصباً عنهم.

و دايماً هيفضل حد عاوزك تفشل, و محرر  او مصحح لغوي بيكره شغلك, و مدير دار نشر مش هيقبل كتابتك عنده.

لكن مش مهم هيحصل ايه, المهم هيحصل امتا.

فما بالك لو كان السبب في تعطيلك مش المجتمع, ولا اصحابك, ولا اعداء النجاح ولا النقاد, ولا انك فقير ولا ان محدش مقتنع بأنك هتنجح..

ما بالك لو كان السبب في تعطيلك هو....انتا شخصياً ؟

--------------

دي كانت المقدمة, و انتظروا كل يوم حلقة من الكتاب اللطيف دا, و اتمني يكون مفيد ليكم و ليا, و يساعدنا كلنا علي تخطي الكسل و البدء في كتابة افكارنا و احلامنا ^_^

و بإذن الله بقية الحلقات هتنزل ف نفس الهاشتاج دا لسهولة متابعتها للي حابب..

#butt_in_chair