اللوج لاين ج٢ log line 2
استكمالا للشروط الواجب توافرها في المدخل او الـ log line لقصتك او السيناريو بتاعك هانكمل البوست السابق
6- تأكد من ان بطل قصتك فاعلا وايجابيا
البطل لابد ان يدفع احداث القصة بقوة . المدخل الجيد لابد ان يظهر الاحداث المتضمنة في الرواية وكذلك الزخم السردي الذي يحملك علي متابعة احداث الرواية . في بعض الاحيان يكون البطل افعاله عبارة عن رد فعل ولكن هذا لا يعني علي الاطلاق ان يكون البطل سلبيا
7- اذا استطعت فانه من المستحسن ان تضع في ثنايا المدخل قنبلة موقوتة
هذة من الطرق السردية الفعالة التي تضيف لنصك الالحاح والاستعجال الذي يلهب خيال من يقرأه ويدفعه دفعا لقراءة النص . لو هي موجودة في نصك ضعها في المدخل بدون تردد
مثال : لكي ينفي عن نفسة سمعه الشذوذ لابد ان يمارس الجنس مع 20 فتاة قبل حفل نهاية امتحانات اخر العام
8- اشرح قواعد عالمك
بعض السيناريوهات تدور في عوالم مختلفة عن عالمنا . اشرح بإيجاز قواعد عالم القصة علي سبيل المثال قصص الخيال العلمي ...
- في بعض القصص الاخري نجد ان العامل النفسي او البعد التاريخي او صفة معينة .... لها تأثير مهم جدا في القصة واحداثها لذا لابد من ذكره
مثال
1- في احد العوالم حيث ينمو كل الاطفال داخل احواض ......
2- مدفوعا للأنهيار العصبي عن طريق حادثة في العمل يقوم مدير مزرعة سمكية بـ..........
9- ازاي تنهيها
لو قصتك بتحمل بلوفة او انحناء غير متوقع لمنحني الاحداث بلاش تذكره في المدخل ولا تحرق نهاية قصتك . القصة الجيدة لابد ان تكون قادرة علي الصمود بمفردها . بينما النهاية المفاجئة يستحسن ان تاتي للقارئ كهدية غير متوقعة عند قرائة السيناريو
10- لا تحكي القصة .. بيع القصة
كونك تخلق عند اللي بيقرا او بيسمع المدخل بتاعك رغبة انه يقرا القصة وفي نفس الوقت انت بتحكيهاله شئ اشبه بكتابة الشعر كل لفظ ليه تأثيره . ماتستسهلش حاول وجرب وارجع حاول تاني
في النهاية لو مش هاتقدر تكتب مدخل كويس لقصتك قبل ما تبدا في كتابة السيناريو انصحك انك تعيد نظر في فكرة كتابة الفكرة دي من الاساس . لو الفكرة مشوشة وغير مركزة في مرحلة كتابة المدخل فده معناه ان الموضوع ده مش هايتحسن اثناء الكتابة .
مش محتاج افكركوا تشيروا الكلام ده علشان الاستفادة تعم وكمان لو تعرف حد مهتم اعمل له منشن تحت الكلام ده علشان يقراه ويستفيد
#اللوج_لاين #log_line
#موفينيل #movinel
تعليقات
إرسال تعليق