تقنيات الحبكة plot device 1

 أدوات او تقنيات الحبكة 
Plot device

زمان لما كنت أقرأ للدكتور احمد خالد توفيق وتلاقيه بيكشف بعض من اسرار صنعة الكتابة كنت بنبسط قوي وبتمني اقرأ حاجات مفصلة عن النقط اللي هو بيتكلم فيها لما تعمقت في الموضوع ده مع وجود الانترنت خلي الوصول للمعلومة اسهل بس لما تبقي عارف انت بتدور علي ايه علشان كده بحب ابذل مجهود في اني اوصل المعلومة لأي حد عايز يستفيد 

خلونا نرجع لموضوعنا وهو تقنيات الحبكة أو أدوات الحبكة 

مصطلح ادوات او تقنيات الحبكة مصطلح بيتم تداوله من فترة طويلة خلونا نعرف ايه هو معناه او التعبير ده بيقصد بيه ايه بالظبط؟؟ 

تقنيات الحبكة هي اي حاجة بتحطها جوا القصة اللي بتبقي غرضها الوحيد هو مساعدة القصة انها تتقدم للأمام او بتعبير أخر انك تستطيع بواسطة تقنيات الحبكة دي التغلب علي بعض الصعوبات اللي هاتقابلك في الحبكة بتاعت قصتك ... 

تقنيات الحبكة الاعتباطية او المفتعلة ممكن تضايق القارئ او المتفرج او تعمل له تشويش  

وعلي الرغم من انها لازم تكون مبررة الا انها مش بالصعوبة اللي انت متخيلها ... 

بتقدر بيها تدي ديناميكية وسطوع للسيناريو بتاعك ... 

وتخلي لجمهور ديما مشدود للحبكة بتاعتك 

ايه بقي انواع تقنيات الحبكة دي اللي احنا عمالين نتكلم عليها 

طبعا في منها انواع كتير هانتكلم عن اشهرهم اجمالا وبعد كده نمسك واحد واحد فيهم نشرحه بالتفصيل ونحط له امثلة وهكذا 

1-  الفويس اوفر وصوت الراوي 
2- الفلاش باك 
3- الفوتو مونتاج 
4- الأحلام 
5- مسدس تشيكوف 
6 – تقنية التأطير  
7- ديوس اكس ماشينا .. المظلة تحت المقعد 
8- التقنية المغناطيسية 
9- تقنية القسيمة او الكوبون 
10- الماكجافين 
11- التحفة المميتة 
12 - التحفة الجذابة 
13-  السباق ضد الزمن (القنبلة الموقوتة)  
14 -  تقنية الرنجة الحمراء 
15 – مثلث الحب 
16 – تقنية حافة الجرف