القائمة الرئيسية

الصفحات

تقنيات الحبكة - الفويس اوفر والفلاش باك plot device 1

هانتكلم النهاردة  عن اول تقنيتين من تقنيات الحبكة وهما 

1- الفويس اوفر والتعليق الصوتي



تقنية حبكة مغرية للأستخدام ... تمد الجمهور بصوت البطل وافكاره وتكشف حقائق العمل 

وجودها بشكل غير ضروري ولا تحتمه طبيعة العمل بيبقي واضح قوي علشان كده لازم يتلعب بشكل يكون له غرض اساسي مش مجرد شكل روائي فارغ

ممكن وانت بتكتب فيلمك الكتابة الأولي تحط الفويس اوفر او التعليق الصوتي كحافظ مسافة لحين ما تستخدم بدايل درامية ليه اكثر طبيعية لو قررت تستخدم الفويس اوفر او التعليق الصوتي في كتابتك لازم تسأل نفسك شوية اسئلة 

- ازاي صوت الراوي يشتغل جنبا الي جنب مع الصورة اللي بنشوفها عالشاشة او بشكل متعاكس معاها؟  

- ايه اللي بيقوله لنا الراوي وماينفعش اننا نشوفه بعنينا بشكل درامي اكثر طبيعية؟ 

- هل الراوي بيحكي لنا حاجات عن نفسه ولا عن البطل؟ 

- ايه هو منطق الراوي في روايته للأحداث؟ هل هي يوميات؟؟ ولا سيرة ذاتية مثلا؟؟ 

بعض امثلة الراوي الجيدة 

تاكسي درايفر 
TAXI DRIVER 

ترافيس بيكل بيكتب يومياته ... الراوي مش بيحكي الحدوتة اللي بتحصل ولكنه بيحكي افكار ترافيس .. وده بيكون مفتاح علشان نفهم هو عمل ايه وعمله ليه في الفصل الأخير

داي اوف 
DAY OFF

 تم استخدام التعليق الصوتي لأغراض كوميدية .... وكان للسرد اثر حاسم في الوصول الي سحر ومحبة البطل

2- الفلاش باك ... الفقز للماضي



الفلاش باك ممكن يكون تقنية حبكة رئيسية تقدر تعبر بيها سياق الحبكة او الشخصية او التأسيس .. ممكن تكون جزء لا يتجزأ من البناء وممكن كمان تمقي اداه تقدر تستخدمها علشان تشرح الأكسبوزيشن (وضع او ظروف الشخصية قبل احداث بداية الفيلم) 

احسن حالات الفلاش باك لما بيكون لها منطقها الخاص وتناسقها 

غالبا ما يكون الفلاش باك لمرة واحدة محيرا 

احرص علي ان الفلاش باك يكون جزء من الحكاية مش مجرد وسيلة بتقول بيها معلومة مهمة للجمهور 

بعض الأمثلة لأستخدام الأمثل للفلاش باك 

في الأب الروحي الجزء التاني
The Godfather Part II 

 السيناريو بيدي مبرر في السياق لعائلة كرليوني  السيناريو بيحقي قصة البطريرك بتاع العيلة وهو بيبني المافيا في الماضي في حين انها في الحاضر يبدو عليها انها بتنهار 

اترينال سنشاين او سبوتليس مايند 
Eternal Sunshine of the Spotless Mind  

استخدام عبقري للفلاش باك علشان تحكي قصة علاقة  عملية معقدة علشان تلاقي ونشيل ذكريات وده معناه ان الفلاش باك طريقة مهمة جدا لأزاي الحكاية اصلا بتتحكي 


أنت الان في اول موضوع
هل اعجبك الموضوع :
انا مخرج وروائي وسيناريست وعملت بعدد من الوظائف داخل الحقل السينمائي

تعليقات

التنقل السريع