مهارة مهمة لكاتب السيناريو في سنواته الأولي أن يستطيع التفرقة بين فكرة العمل الرئيسية وتيمته

علشان كد احنا هانتكلم النهاردة عن التفرقة بين الفكرة الرئيسية للعمل وبين التيمة

بكلمات بسيطة الفكرة الأساسية هي العمل ده عن إيه؟ بينما الثيمة هي الرسالة أو الدرس أو المستفاد من العمل

التيمة والفكرة الرئيسية هما مكونان مهمان جدا لأي قصة والفرق الأساسي بين الاثنين هو إن التيمة هي الدرس أو المورال المستفاد من القصة بينما الفكرة الأساسية هي من تخبرنا عن ماذا تدور القصة

 

لو سألت نفسك بعض الأسئلة الأساسية قبل ما تقرأ السيناريو أو تشوف العمل وأثناء ما بتقرأه أو بتشوفه وبعد قراءته أو مشاهدته هاتقدر تحدد الاتنين

إيه الأسئلة اللي بتحدد الفكرة الرئيسية

ما قبل القراءة

·       إيه هو عنوان العمل؟ 

·       العمل ده عن إيه؟

·       إيه الموضوع أو التوبيك بتاع العمل؟

أثناء القراءة

·       اقرأ النص بعناية جيدا

·       هل النص ده خيالي ولا واقعي

·       ابحث عن المعلومات والصور المكررة داخل العمل

بعد القراءة

·       فكر في أهم جزء من الموضوع اللي قرأته

·       إيه التفاصيل أو الأمثلة اللي بتركز وبتدعم الفكرة الرئيسية

إيه الأسئلة اللي بتحدد التيمة الرئيسية

ما قبل القراءة

·       راجع موضوعات التيم المعروفة  

·       وخلي المعلومات دي في دماغك وأنت بتقرأ أو بتشوف العمل

أثناء القراءة

·       فكر هل التيمة تم ذكرها صراحة ولا بشكل ضمني

بعد القراءة

·       ازاي الشخصيات بتتعامل مع العوائق اللي بتقابلها 

·       إيه القرارات المهمة اللي الشخصيات دي خدتها

·       ازاي الشخصيات دي تطورت واتغيرت واتعلمت إيه عبر الأحداث

 

أنواع الثيمات الشهيرة هما 36 ثيمة مشهورة هاتلاقيهم موجودين علي الموقع في موضوع منفصل بتفاصيل اكتر لو ضغطت هنا

 

خلينا نغوص في تفاصيل الموضوع اكتر:-

ما هي الثيمة

هي الرسالة المركزية أو الراسب الذي يريد الكاتب أن يرسبه داخل عقلية القارئ أو المشاهد

التيمة ليست شيئا صريحا أو يتم ذكره حرفيا ولكنه استنباط يريدك الكاتب أن تصل إليه... أو بمعني أخر التيمة لن يتم النص عليها داخل العمل ولكنك ستدركها بعد انتهاءك من متابعة العمل وفهم قصته.

التيمة دائما ما تعلمك درسا بإعطائك مغزى اخلاقي.

التيمة (وخد بالك من النقطة دي علشان مهمة) تقدر تستخرجها من العمل وتطبقها علي أعمال أخرى .... علشان كده التيمة هي أمر شامل ..

والتيمة ممكن نعبر عنها بجملة واحدة وأحيانا مجرد كلمة واحدة بتكون كفاية

أنواع الثيمات

•        الثيمة كمفهوم وهو مصطلح يشير إلي ما يظن القارئ أو المشاهد أن القصة تدور حوله
•       الثيمة كتصريح وهو مصطلح يشير إلي ما يريد هذا العمل تحديدا أن يصرح به من ناحية التيمة كموضوع

ولازم هنا ناخد بالنا من أمر مهم جدا وهو أن النص يمكن أن يحتوي علي عدة ثيمات علي الرغم من انه في معظم الحالات هناك فكرة مركزية ما تكون مسيطرة علي العمل ككل ويتم اعتبارها التيمة المركزية

أمثلة

·      هاري بوتر .. الحب والخير ضد الشر

·      اوثيلو أو عطيل ... الغيرة

·      سينس اند سينسبيلتي ... خطر الحساسية المفرطة.

 

ما هي الفكرة الاساسية؟

هي الفكرة الرئيسية التي تدور حولها القصة. من الممكن أن يتم استقائها من الحبكة أو من الشخصيات وتصف المحتوي وتفاصيل الحبكة. التعرف علي الفكرة الأساسية لعمل مشابه لاستخراج موضوع من مقطع. الفكرة الأساسية تقدم لنا معلومات محددة عن العمل وده واحد من أهم الفروق بين الفكرة الأساسية والتيمة. علي عكس التيمة النص لا يمكن تطبيقه علي نص أخر لان كل نص يحتوي علي قدر مختلف من المعلومات.

علي سبيل المثال تخيل انك بتكتب مقال عن فوائد التمرينات الرياضية .. اذن فكرتك الرئيسية لازم تكون حاجة زي (الطرق المختلفة اللي عن طريقها  التمرينات بتساعد جسمك .. في المقال الفكرة الرئيسية بيتم التعبير عنها بشكل عام عن طريق أطروحة أو فرضية النص.  

لو احنا خدنا قصة الأرنب والسلحفاة مثلا هاتبقي الفكرة الرئيسية حاجة شبه 

(أرنب يتحدي سلحفاة في سباق. السلحفاة تفوز بالسباق بسبب أنها واصلت المحاولة ولم تستسلم) بينما ثيمة القصة تدور حول المثابرة مثلا.

الفرق بين التيمة والفكرة الرئيسية

المعني

التيمة الرسالة المركزية للقصة عادة ما تكون درس أو عبرة ... بينما الفكرة الرئيسية هو ما تدور حوله القصة

التفرد

التيمة عامة ويمكن أن يتم تطبيقها علي عدد كبير جدا من الأعمال ... بينما الفكرة الرئيسية متفردة تتضمن معلومات محددة

التواجد داخل العمل

التيمة لا توجد بشكل مباشر ولابد أن يتم استنباطها بواسطة القارئ أو المشاهد ... بينما الفكرة الرئيسية يمكن او قد لا يمكن رؤيتها بشكل مباشر داخل النص

الوظيفة

التيمة ممكن تعلمك درس أو خلق بينما الفكرة الرئيسية تساعد في بناء التيمة